- Institucións
- Empresas: pequenas, medianas e grandes empresas
- Axentes sociais
- Directivos
- Profesionais dos medios de comunicación
- Medios de comunicación
- Información ou programas en medios audiovisuais
- Innovación e ensaio
- Universidades, escolas de negocios, outras institucións educativas e de investigación
- Profesores e investigadores
156 candidaturas na edición de 2008 dos Premios Alares á Conciliación da vida laboral, familiar e persoal
Recibíronse 156 candidaturas que optarán aos 12 galardóns da Edición 2008 dos Premios Nacionais Alares®, convocados pola Fundación Alares®. O motivo da celebración destes Premios é, entre outras actividades, recoñecer os múltiples labores realizados co obxectivo de fomentar, estudar e difundir as novas fórmulas de prestación de servizos en relación coa Conciliación da Vida Laboral, Familiar e Persoal e a súa incidencia na calidade de vida.
Os Premios Nacionais Alares® 2008 están dirixidos a empresas, institucións, iniciativas da sociedade civil, directivos, medios de comunicación, programas audiovisuais, innovación e ensaio, universidades, escolas de negocios, profesores e investigadores que realizasen este labor de forma eficiente.
A convocatoria fíxose o pasado mes de decembro de 2007, concretamente o día 20; o prazo de presentación de candidaturas pechouse o pasado 24 de marzo de 2008 e o fallo realizarase o vindeiro 27 de maio. O acto público de entrega dos Premios anuais celebrarase o vindeiro mes de xuño deste ano. O xurado está composto por personalidades de recoñecido prestixio, así como por representantes de Alares® e da súa Fundación.
As dez modalidades dos Premios Alares® descríbense a continuación e pretenden premiar as accións, innovacións, escritos, publicacións ou traxectorias profesionais relacionadas co obxecto dos premios:
