“Conciliación entre empresa e familia no sector financeiro e dos seguros“
A Fundación Alares® en colaboración co IESE (Centro Internacional Traballo e Familia) - Universidade de Navarra presentou o primeiro dos estudos pertencentes á colección «Estudos Alares®- IESE» sobre a conciliación da vida laboral, familiar e persoal nos sectores financeiro e asegurador.Este estudo é o primeiro da colección no que se analiza o sector financeiro e asegurador, destacando como avanzou neste sector a flexibilidade en todos os seus ámbitos, medida a través do modelo do ICWF (Centro Internacional Traballo e Familia) do IESE, ata situarse como un dos sectores máis flexibles do mercado.Entre os obxectivos da Fundación Alares® atópanse a investigación, a achega e o desenvolvemento de propostas e solucións para as novas necesidades do século XXI, isto é, todo o relacionado coa dependencia, a diversidade e a inmigración, a responsabilidade social empresarial, a igualdade e a conciliación persoal e laboral. Para iso, a Fundación realiza estudos, proxectos de investigación, debates, conferencias, seminarios, premios e accións formativas que contribúen a satisfacer as demandas da cidadanía.No acto participaron o Sr. Javier Benavente Barrón, presidente da Fundación Alares®; a Sra. Nuria Chinchilla, profesora e directora do Centro Internacional de Traballo e Familia do IESE- Universidade de Navarra e padroeira da Fundación Alares®; e o Sr. Carlos Moyano Ecenarro, director do Gabinete de Relacións Institucionais de Caja de Ahorros del Mediterráneo (CAM), patrocinadora do estudo.O Sr. Javier Benavente Barrón, presidente da Fundación Alares®, salientou o alto compromiso que a Fundación mantén coa sociedade actual en todos e cada un dos seus proxectos. Entre outros, destacou o programa «Formación para Inmigrantes», composto por sesións formativas sobre cultura xeral e costumes do noso país, cun dobre obxectivo: facilitar o acceso á inserción laboral, ademais de preparar as persoas participantes para a atención e o coidado de persoas dependentes. Por outra banda, sinalou o labor que se está a desenvolver na formación de coidadores informais, así como na integración laboral de persoas con discapacidade a través de estudos e proxectos.Pola súa banda, a Sra. Nuria Chinchilla, profesora e directora do Centro Internacional de Traballo e Familia do IESE- Universidade de Navarra e padroeira da Fundación Alares®, afirmou que «a conciliación é máis un deber ca unha necesidade. Traballamos para mellorar a fenda que todas as persoas temos día a día, para conciliar a nosa vida e o noso traballo. A sociedade está a cambiar, a empresa está a cambiar e este é unha viaxe sen volta atrás».
Por outra banda, a Sra. Nuria Chinchilla destacou que un dato importante da situación que vive o sector financeiro son as súas políticas de conciliación. É aí onde se reflicte a preocupación deste sector polo persoal empregado, non só no que se refire ao seu desenvolvemento profesional, senón tamén ao seu desenvolvemento persoal e familiar. Estas medidas de conciliación foron comparadas co conxunto dos sectores empresariais e mostran unha aplicación superior de entre 46 e 15 puntos respecto da mostra total. O sector financeiro e asegurador destaca fronte ao resto, pois aplica de forma xeneralizada as seguintes medidas: seguro de vida, plan de xubilación, seguro de accidentes, calendario de vacacións flexible, excedencia para coidar dun familiar, horario laboral flexible, etc.O Sr. Carlos Moyano Ecenarro, director do Gabinete de Relacións Institucionais de Caja Mediterráneo (CAM), patrocinadora do estudo, presentou o ambicioso plan de conciliación que están a implantar na CAM como algo estratéxico no seu sector para reter e atraer os mellores profesionais do mercado. Precisou que «o tema da conciliación é un tema básico, non só social, senón tamén estratéxico para o posicionamento. É un camiño sen retorno».
