Aberto o prazo para os Premios Nacionais Alares 2010

A Fundación Alares, do mesmo xeito que en edicións anteriores, xa ten aberta a convocatoria para presentar candidaturas aos Premios Nacionais Alares® 2010, un prazo que se ampliou ata o vindeiro 26 de marzo por petición expresa de entidades e personalidades interesadas en participar.

Con apenas tres anos de traxectoria, e convertido xa nun premio de referencia no noso país, os Premios Nacionais Alares® recoñecen o labor que realizan diferentes institucións, empresas, axentes sociais, directivos e medios de comunicación a prol da Conciliación da Vida Laboral, Familiar e Persoal. Desde Fundación Alares, convidamos todas as persoas interesadas en participar a que visiten a web de Fundación Alares®, onde poderán consultar as bases destes premios.