O Comité Español de Representantes de Personas con Discapacidade impulsa unha Rede de Defensa Legal da Discapacidade, para seguir de preto situacións graves de discriminación e promover e defender os dereitos das persoas con discapacidade.
Esta rede de defensa, coordinada polos propios responsables xurídicos do CERMI, traballará para alertar sobre os casos de violación dos dereitos das persoas con discapacidade. Para detectar estas situacións, analizaranse os casos e denunciaranse politicamente, ante a opinión pública e os medios de comunicación, coa intención de crear indicadores de medición da discriminación e elaborar propostas normativas para combater a vulneración dos dereitos destas persoas.
Ademais, esta rede rexistrará os casos de vulneracións para que queden recollidos no Informe Anual de Seguimento.
