Para as entidades sen ánimo de lucro, as doazóns son unha das súas principais fontes de financiamento, seguidas das achegas dos socios ou das subvencións doutras empresas, fundacións e particulares, polo que esta modificación supón un sopro de aire fresco para elas.
Desde o pasado 1 de xaneiro de 2015, a Lei 27/2014, do 27 de novembro, do imposto sobre sociedades introduce modificacións na Lei 49/2002, de réxime fiscal das entidades sen fins lucrativos e dos incentivos fiscais ao mecenado. En concreto, polo incremento dos tipos de dedución aplicables aos donativos realizados por persoas físicas e/ou xurídicas a fundacións acollidas ao réxime fiscal especial.
En resumo, entre as novidades, recoñécese o micromecenado, polo que as persoas físicas poden deducir no seu IRPF o 75 % dos primeiros 150 euros doados.
Á súa vez, foméntase a fidelización das doazóns, realizadas tanto por persoas físicas como por persoas xurídicas:
No caso das persoas físicas, estas poderán aplicar unha dedución do 35 % (en vez do 30 % xeral) polo exceso sobre os 150 euros doados, sempre que realizasen doazóns á mesma entidade nos últimos tres anos.
No caso das sociedades, a dedución increméntase ao 40 % para as doazóns realizadas á mesma entidade polo mesmo importe ou por un importe superior durante polo menos tres anos.
Aínda que estas son as principais novidades, na seguinte ligazón pódese consultar integramente todo o que contempla esta modificación da reforma dos incentivos fiscais ao mecenado.
Desde aquí, aproveitamos para dar as grazas a todas as persoas e organizacións que se sumaron á misión das nosas fundacións e aos seus proxectos, e que apostaron e seguen apostando polo desenvolvemento dos mesmos, que teñen como finalidade común a mellora social no noso país.
Fonte: Asociación Española de Fundacións
As sociedades poderán deducir o 40 % do que invistan en axudar a entidades sen ánimo de lucro
Para as entidades sen ánimo de lucro, as doazóns son unha das súas principais fontes de financiamento, seguidas das achegas dos socios ou das subvencións doutras empresas, fundacións e particulares, polo que esta modificación supón un sopro de aire fresco para elas.
Desde o pasado 1 de xaneiro de 2015, a Lei 27/2014, do 27 de novembro, do imposto sobre sociedades introduce modificacións na Lei 49/2002, de réxime fiscal das entidades sen fins lucrativos e dos incentivos fiscais ao mecenado. En concreto, polo incremento dos tipos de dedución aplicables aos donativos realizados por persoas físicas e/ou xurídicas a fundacións acollidas ao réxime fiscal especial.
En resumo, entre as novidades, recoñécese o micromecenado, polo que as persoas físicas poden deducir no seu IRPF o 75 % dos primeiros 150 euros doados.
Á súa vez, foméntase a fidelización das doazóns, realizadas tanto por persoas físicas como por persoas xurídicas:
No caso das persoas físicas, estas poderán aplicar unha dedución do 35 % (en vez do 30 % xeral) polo exceso sobre os 150 euros doados, sempre que realizasen doazóns á mesma entidade nos últimos tres anos.
No caso das sociedades, a dedución increméntase ao 40 % para as doazóns realizadas á mesma entidade polo mesmo importe ou por un importe superior durante polo menos tres anos.
Aínda que estas son as principais novidades, na seguinte ligazón pódese consultar integramente todo o que contempla esta modificación da reforma dos incentivos fiscais ao mecenado.
Desde aquí, aproveitamos para dar as grazas a todas as persoas e organizacións que se sumaron á misión das nosas fundacións e aos seus proxectos, e que apostaron e seguen apostando polo desenvolvemento dos mesmos, que teñen como finalidade común a mellora social no noso país.
Fonte: Asociación Española de Fundacións
