Hoxe presentáronse os datos do índice MERCO de 2010. Este estudo, que funciona como ferramenta de avaliación en materia de reputación e xestión de intanxibles das grandes compañías españolas, cumpre dez anos anunciando que Telefónica se converte este ano na empresa con mellor reputación do noso país.
Entre as empresas mellor valoradas destacan compañías como Telefónica, Iberdrola, Acciona, Google ou Ikea. De feito, son estas empresas as que máis postos gañaron neste prestixioso ranking, e mesmo a empresa de telecomunicacións desbancou o grupo Inditex por primeira vez nos dez anos de historia que xa ten este estudo.
Porén, se se observan os resultados por públicos, para os analistas financeiros Google é a mellor, empatando con La Caixa na primeira posición segundo os empregados e expertos en talento. Pola súa banda, para a poboación xeral é El Corte Inglés a de maior reputación, mentres que para os xornalistas de información económica este posto ocúpao Sabadell Atlántico.
