A Fundación Alares volve reunir os representantes máis importantes do mundo da conciliación da vida familiar e laboral do noso país. Nesta ocasión, e debido ao seu compromiso coas persoas con discapacidade, este ano a Fundación tamén premia as mellores prácticas en materia de prevención de riscos laborais destinadas a este colectivo.
A Ministra de Emprego e Seguridade Social, Fátima Báñez, foi a encargada de presidir a Gala e fixo da súa intervención un perfecto alegato a prol do benestar das persoas e do compromiso do Goberno cos principios da Fundación Alares. Sen dúbida ningunha, a participación de Báñez deixa patente a responsabilidade das institucións políticas, sociais e económicas do país coa calidade de vida e o benestar da sociedade e a competitividade empresarial.
A Ministra fixo tamén especial mención a que a nova reforma laboral é un exemplo de marco flexible que se adapta á realidade das organizacións que camiña cara a unha sociedade máis próspera. É máis, trátase dunha reforma laboral que tenta mellorar a conciliación e procurar un traballo digno e flexible. Ademais, Báñez asegurou que a obsesión do executivo é crear emprego e oportunidades para conciliar.
Un ano máis, os VI Premios Nacionais Alares 2012 á Conciliación da Vida Familiar, Laboral e Persoal, e á Responsabilidade Social contaron coa Presidencia de Honra de S.M. a Raíña Dona Sofía, quen, aínda que non estivo presente durante a gala, nos transmitiu o seu afecto, motivo polo cal a Fundación Alares sente un especial orgullo e satisfacción.Durante o acto, Javier Benavente Barrón, presidente da Fundación Alares, recoñeceu o valor das organizacións que apostan pola conciliación dos seus empregados, como elemento capaz de xerar a competitividade que necesitamos. É máis, Benavente declarou que canto máis conciliamos, máis europeos nos volvemos e, polo tanto, avanzamos cara a unha sociedade máis equilibrada. Do mesmo xeito, o presidente da Fundación Alares destacou a gran novidade desta edición: grazas ao patrocinio e apoio de Sociedad de Prevención de Ibermutuamur, a Fundación Alares puido recoñecer as mellores prácticas en materia de prevención de riscos laborais destinada ás persoas con discapacidade. Sen dúbida, trátase duns galardóns únicos no seu xénero e, polo tanto, contribúen á integración real das persoas con discapacidade na sociedade. Javier Benavente asegurou que: "a existencia destes premios é o resultado de varias conversas conxuntas da nosa Fundación co xerente de Sociedad de Prevención de Ibermutuamur, D. Eusebio Gómez, e o seu equipo, sobre que podiamos facer desde a sociedade civil para contribuír, non só a unha maior integración laboral das persoas con discapacidade, senón tamén á adecuación dos postos de traballo e á prevención de riscos específica para este importante colectivo" A recoñecida xornalista Ana García Lozano foi a encargada de conducir a Gala. A súa experiencia e profesionalidade na televisión e na radio, así como a súa vocación polos valores da Fundación Alares, contribuíron a que a VI edición dos Premios Nacionais Alares á Conciliación e os I Premios Nacionais á Prevención de Riscos Laborais destinada ás Persoas con Discapacidade fose todo un éxito.
Integrar no Traballo A Fundación Alares apostou de maneira moi decidida polas persoas con discapacidade. Desde a súa contribución á posta en marcha de Alares Social Centro Especial de Emprego, a organización desenvolveu numerosos programas e actividades a prol da integración social e laboral das persoas con discapacidade. Os Premios á Prevención de Riscos Laborais destinada ás Persoas con Discapacidade, co apoio de Sociedad de Prevención de Ibermutuamur, son unha mostra máis da dedicación que a Fundación leva a cabo.
Conciliar o Traballo A Fundación Alares vive moi de preto a actual conxuntura económica que estamos a vivir no noso país. O seu labor coas persoas recoñece os cambios sociais que estamos experimentando e é evidente que a conciliación é un dos aspectos que mellor mide o desenvolvemento ou retroceso. Por iso, desde a tribuna destes galardóns, a Fundación quixo salientar a importancia da concienciación da sociedade a través da educación nos colexios, pero tamén nos fogares. Por suposto, son os organismos e as empresas españolas as que tamén deben traballar para entender e asumir a conciliación como parte do seu ADN.
Palmarés 2012
VI Premios Nacionais Alares 2012 á Conciliación da Vida Familiar, Laboral e Persoal, e á Responsabilidade Social
Premio ás institucións: • Departamento de Emprego e Asuntos Sociais do Goberno vasco • Accésit: Concello de Avilés
Premio ás empresas: • Red Eléctrica de España • Accésit: Línea Directa
Premio á mediana empresa: • Casbega • Accésit: Infojobs
Premio á pequena empresa: • ACUSMED (Acústica e Medio Ambiente) • Accésit: Arrabe Asesores
Axentes sociais: • CNSE (Confederación Estatal de Persoas Xordas) • Accésit: Fundación Igual a Igual
Directivos: • Sra. Esther Trujillo Giménez • Sr. Fernando Andrés López
Profesionais dos Medios de comunicación: • Pepa Bueno, xornalista • Accésit: Sra. Margarita Grijota e Sr. César Galera, de Expansión.com
Medios de comunicación: • ETHIC - La Vanguardia de la Sostenibilidad • Accésit: Mujeres & Cía
Información ou programas en medios audiovisuais: • Convive TV • Accésit: «EN DÍAS COMO HOY»: «Conciliar traballo e familia ou a vida a contrarreloxo»
Innovación e ensaio: • Proxecto «SPREADTHESIGN» • Accésit: «Situación actual dos dereitos relativos á conciliación da vida familiar e laboral en España: avances e retrocesos» - Grupo HI13. Universidade de Vigo Universidades,
Escolas de Negocios, outras institucións educativas e de investigación: • UNIVERSIDADE JAUME I - FUNDACIÓN ISONOMIA • Accésit: COLEXIO URKIDE
Profesores e investigadores: • Sra. Icíar Alzaga Ruiz, da UNED • Accésit: Dr. D. José Antonio Álvarez Bermejo, Universidade de Almería
I Premios Nacionais Alares á Prevención de Riscos Laborais destinada ás Persoas con Discapacidade
PemES • ADISLI (Boas prácticas no Grupo VIPS)Gran empresa • ALSA
Institucións • FEAPS Madrid
Profesional de PRL • Sra. Ana Ávila Borjabad (Grupo Mahou San Miguel)
