Ata un total de 2.000 persoas, entre traballadores de Galp Energia e os seus familiares, disporán dunha serie de servizos asistenciais esenciais na súa vida diaria.
O director xeral de Galp Energia, Nuno Moreira, destaca que «A incorporación do programa de Conciliación de Alares reafirma o forte compromiso da nosa compañía cunha política de responsabilidade social corporativa de gran implicación cos empregados, ao proporcionarlles as solucións necesarias de asistencia persoal e familiar que necesitan.
Ademais, a implantación destes servizos —a través de Alares Social Centro Especial de Emprego CEE— contribuirá directamente á integración laboral das persoas con discapacidade, o que subliña o noso obxectivo de achegar toda a nosa enerxía positiva a este labor como empresa comprometida coas persoas».
Galp Energia apostou por Alares pola súa gran capacidade de adaptación ás necesidades e á cultura da compañía, así como pola súa experiencia en asistencia familiar e persoal
É a única compañía que garante a prestación directa destes servizos con persoal propio en calquera lugar de España e Portugal, independentemente de onde se atopen os seus empregados ou os seus familiares. Todo iso, as 24 horas do día, os 365 días do ano.
Ao seren xestionados a través de Alares Social (CEE), os servizos permitirán á compañía aumentar a porcentaxe de cumprimento da Nova Lei xeral de dereitos das persoas con discapacidade e da súa inclusión social, en liña co que promove o Ministerio de Sanidade, Servizos Sociais e Igualdade.
Servizos dos que pode gozar todo o persoal de Galp Energia e os seus familiares
Calquera empregado de Galp Energia, o seu cónxuxe ou parella de feito, os seus fillos menores de 30 anos, os seus pais e os seus sogros terán á súa disposición un asistente persoal para todo o que poidan necesitar, como, por exemplo, mercar agasallos, buscar as vacacións, localizar un fontaneiro ou conseguir entradas para o teatro. Igualmente, terán á súa disposición servizos como a selección dunha persoa que se ocupe de atender os seus fillos e/ou pais, ou solicitar os servizos de axuda persoal a domicilio durante a convalecencia dalgún deles, cun número importante de horas gratuítas de asistencia.
Do mesmo xeito, terán tratamentos especializados a domicilio de fisioterapeutas, psicólogos, ATS, telefarmacia, profesores, logopedas... que se encargarán de axudarlles e coidalos. Ademais, estará dispoñible un servizo de consultas telefónicas gratuítas as 24 horas, os 365 días do ano, para que o empregado poida resolver calquera dúbida que teña con profesionais de Alares, como médicos, psicólogos, expertos sociais, avogados, nutricionistas ou informáticos... e tamén terán a posibilidade de obter unha segunda opinión médica internacional con especialistas de recoñecido prestixio mundial ante enfermidades graves propias ou dos seus familiares.
Todo un mundo de servizos agora ao alcance de todo o persoal de Galp Energia.
