A imaxe de hoxe de moitos dos xornais do noso país está protagonizada por Licia Ronzulli, a europarlamentaria italiana que onte asistiu á sesión plenaria da Eurocámara en Estrasburgo co seu bebé nos brazos, como protesta polas dificultades que diariamente homes e mulleres atopan para poder conciliar a súa vida familiar coa profesional.
Con este xesto, que recibiu o aplauso de todos os seus compañeiros, a europarlamentaria pediu ao Parlamento Europeo que traballase para mellorar esta situación, así como polos dereitos das mulleres.
A propósito, o pasado martes, Viviane Reding, a comisaria europea de Xustiza e Dereitos Fundamentais, presentou en Estrasburgo a estratexia europea sobre igualdade entre homes e mulleres para promover o emprego feminino, aumentar a súa presenza nos postos de responsabilidade nas empresas, reducir a desigualdade salarial e loitar contra a violencia de xénero.
Desde o Grupo Alares traballamos día a día para que a conciliación da vida familiar, persoal e laboral nas empresas españolas sexa unha realidade, porque esta é unha demanda da sociedade que, ademais, repercute na competitividade das propias organizacións.
