S.M. A Raíña, presidenta de honra da Gala de entrega dos Premios Nacionais Alares

A entrega dos Premios Nacionais Alares, que celebran este ano a súa oitava edición, terá lugar o 26 de xuño no Auditorio CaixaForum, Madrid. S.M. A raíña será presidenta de honra dos Premios Nacionais Alares á Conciliación da Vida Laboral, Familiar e Persoal e á Responsabilidade Social, uns galardóns que celebran este ano a súa oitava edición debido ao éxito das edicións anteriores. O obxectivo destes premios é recoñecer o esforzo e o compromiso das diferentes institucións, empresas, axentes sociais, directivos, profesores, investigadores e medios de comunicación por fomentar a conciliación laboral/familiar/persoal, a corresponsabilidade e a Responsabilidade Social, elementos indispensables para mellorar a Calidade de Vida e a Competitividade empresarial. Esta edición, que contará coa Presidencia de Honra de S.M. a Raíña, convértese para a Fundación Alares nun auténtico reto, sempre co obxectivo de destacar a importancia da conciliación da vida laboral e familiar nunha sociedade como a nosa. En palabras de Mar Aguilera, directora da Fundación Alares, «contar coa Presidencia de Honra de S.M. énchenos de orgullo e anímanos a seguir traballando polo fomento e desenvolvemento da Calidade de Vida das Persoas e da competitividade empresarial». Estes premios son un exemplo de iniciativas positivas e ferramentas de vital importancia para que España se sitúe como líder dentro do grupo de países que máis traballan pola Calidade de Vida das Persoas, a Igualdade de Oportunidades e a Competitividade Empresarial. Actualmente, o comité de expertos xa está a valorar todas as candidaturas presentadas. O veredicto do xurado terá lugar no mes de xuño e os premiados recibirán os seus galardóns durante a gala, o día 26 de xuño no Auditorio CaixaForum. A Gala dos Premios Nacionais Alares é un evento no que se reunirán os máis importantes representantes do mundo da conciliación da vida familiar e laboral do noso país. As persoas interesadas en asistir á gala poden inscribirse aquí. Para máis información: Sara Carreño Responsable de Comunicación da Fundación Alares 91 275 05 55 scarreno@alares.es www.fundacionalares.es