Aniztasunerako Fundazioak, Emakumearen eta Aukera Berdintasunerako Institutuarekin lankidetzan, arlo honetan enpresen jardunbide egokienak nabarmentzeko, Enpresa-aniztasunaren kudeaketari buruzko I. Aitorpena deitu du.
Aitorpen horien helburua da integrazioaren, langile guztientzako aukera-berdintasunaren eta jasangarritasunaren alde egiten duten aniztasunaren kudeaketarako ereduak jasotzen dituzten ekimenak baloratzea; ezinbesteko baldintza izango da Aniztasunaren Gutunaren sinatzailea izatea.
3 kategoria ezartzen dira: ETE baten jardunbide egokienari emandako aitorpena, enpresa handi baten jardunbide egokienari emandako aitorpena —bi kategoria horietan lehenengo eta bigarren postuak egongo dira—, eta EBko beste herrialde bateko enpresa baten jardunbide egokienari emandako aitorpena.
Saridunak otsailean ekitaldi publiko gisa egingo den Galan zehar ezagutaraziko dira, eta aniztasunaren kudeaketan jardunbide egokien I. Aitorpenaren bereizgarriarekin ohorezko aipamena jasoko dute.
Aitorpen honetan parte hartu nahi duten enpresek —Europar Batasunaren laguntzarekin egindako proiektua, PROGRESS JUST/2013/PROG/AG/AD programaren kontura— memoria bat prestatu beharko dute. Memoria horretan honako hauek jaso ahal izango dira: garatutako politikak eta helburuak, horiek erakundearen plan estrategikoarekin duten lotura, Aniztasunaren politikak kudeatzeko taldea, zeinekin eta zeinentzat lan egiten den, ebaluazio-neurriak eta emaitzak eta inpaktuak. Oinarriak ezagutzeko, hautagaitzak alta emateko edo informazio gehiago lortzeko, www.fundacióndiversidad.org
