2008ko urriaren 1etik, Alares®, Familia Laguntzan aditua den erakundeak, Wolters Kluwer enpresako langileei eta haien hurbileko senideei (gurasoak, ezkontideak, 23 urtetik beherako seme-alabak eta aitaginarreba-amaginarrebak) familia-laguntzako zerbitzuak eskaintzen dizkie, enpresei zuzendutako Laneko, Familiako eta Bizitza Pertsonaleko Bizitza Bateratzeko Programaren bidez. Alares® en zerbitzuak —lurralde nazionaleko edozein tokitan emango direnak—, beharrizan ugari asetzeko diseinatuta daude; egunerokoan sortzen dira beharrizan horiek, gaixotasunak, istripuak edo ebakuntza osteko egoerak eraginda… eta pertsonen egunerokoa aldatzen dute.
Wolters Kluwer Espainia informazio-, prestakuntza- eta software-zerbitzuetan espezializatutako enpresa da. Helburu nagusia profesionalei informaziorik eta tresnarik onenak eskaintzea da, negozio-erabakiak modu eraginkorrean hartzeko eta produktibitatea hobetzeko.
Alares® enpresaren Laneko, Familiako eta Bizitza Pertsonaleko Bizitza Bateratzeko Programak “Premios Imserso Infanta Cristina, 2004” saria jaso du, Lan eta Gizarte Gaietako Ministerioaren Laneko, Familiako eta Bizitza Pertsonaleko Bizitza Bateratzeko Programa berritzaile eta onenari emana.
Programa honek —1999az geroztik Espainiako merkatuan diharduenak— AENORek auditatu eta UNE-EN ISO 9001/2000 kalitate-ziurtagiriak bermatutako prozedurak jarraitzen ditu. Alares® da Espainian bere laguntza- eta gizarte-osasuneko zerbitzuak zuzenean Espainiako geografiako edozein tokitan eskaintzea bermatzen duen enpresa bakarra; horri esker, langileek eta haien senideek laguntza jasoko dute dauden tokian daudela ere.
Programak honako zerbitzu hauek eskaintzen ditu:
- Etxeko laguntza pertsonala: laguntzaileak lagun egiteko, jaikitzen eta oheratzen laguntzeko, otorduak emateko eta gaixo dauden haurrak zaintzeko.
- Etxeko tratamendu espezializatuak: fisioterapeutak, psikologoak, erizain teknikoak eta gaixotasunen bat duten haurrentzako irakasle partikularrak.
- Prebentziozko eta laguntza-teleasistentzia mugikorra 24 orduz: Finkoa eta mugikorra: arrisku-egoeran dagoen eta eguneko 24 orduetan berehalako arreta behar duen edozein pertsonari zuzendutako prebentzio- eta laguntza-sistema. Arrisku-egoeratzat hartzen ditugu: ebakuntza osteko egoerak, genero-indarkeria, gurasoen lan-ordutegia dela eta denbora bakarrik ematen duten 15 urtetik beherako haurrak, desgaitasuna duten pertsonak, adinekoak eta arrisku handiko haurdunaldiak.
- Telefono bidezko kontsulta mugagabe eta anonimoak arlo hauetako espezialistekin: medikuntza, zuzenbidea, psikologia, gizarte-arloa eta dietetika-elikadura
- Laguntza soziosanitarioko profesionalak, etxeko zerbitzuko langileak edo haurrak zaintzeko langileak hautatzea
- Nazioarteko bigarren iritzi medikoa gaixotasun edo lesio larriaren aurrean, bai diagnostikoan, bai tratamenduan.
- Hitzartutako mediku-, hortz-, ongizate- eta edertasun-sarea: mediku orokor eta espezialistengana, baita hortz-klinika eta estetika-zentroetara eta bainuetxeetara ere, haien tarifetan deskontu handiekin sartzeko aukera.
