Hori da Alzheimer Espainia Fundazioak Madrilgo Unibertsitate Konplutentsearekin elkarlanean egindako txosten batek eskaintzen dituen datuetako bat.
Zaintzaile horiek, gehienetan, gaixoaren alabak edo ezkontideak izan ohi dira. Batez beste 6 urte ematen dituzte senidea zaintzen, eta aisialdiari, gizarte-harremanei eta baita etxetik kanpoko lanari ere uko egin behar izaten diote; horrek, nolabait, gizarte-bazterkeriako egoeran egotera eramaten ditu.
Azterlan honek erakusten du, halaber, zaintzaile ohien gehiengoak aitortzen duen arren senidea hiltzeak atsedenaldia ekartzen diela bai gaixoari bai zaintzaileari, askok antsietate-egoera larria pairatzen dutela, ez baitzeuden galera horri aurre egiteko prestatuta. Zehazki, azterlanaren datuen arabera, %35ek depresio-episodioren bat du, eta %33k antsietate-arazoren bat.
Gainera, txosten honen emaitzek jasotzen dute zaintzaile ohiek beren osasun mentalari buruzko balorazio askoz negatiboagoa egiten dutela, adin bereko biztanleria orokorrarekin alderatuta.
