Fundación Alares fundazioaren txosten batek, azken 7 edizioetan Sari Nazionalak sarien enpresa-kategorian aurkeztutako 1.200 hautagaitza baino gehiago aztertzen dituenak, erakusten du enpresek lana eta familia bateratzearen alde egin duten ahalegina nabarmen aurreratu dela.
Txostenak agerian uzten du lana eta familia bateratzeko gehien baloratzen diren eta laneko absentismoa gehien murrizten laguntzen duten neurriak direla ordutegiaren malgutasuna eta langilea zein haren familia zaintzen dituzten laguntza-zerbitzuen eskuragarritasuna.
Lanaldia trinkotzea, ordutegi malgua eta lanaldia murrizteko aukera, hurrenez hurren %96, %91 eta
%74ko ehunekoekin, enpresek gehien erabiltzen dituzten lana eta familia bateratzeko neurriak dira, podiumean lehen postuetan kokatuta.
Madril, irailaren 16a. Lana eta familia bateratzearen arloko aurrerapenek gero eta gehiago sustatzen dute gizonen eta emakumeen arteko aukera-berdintasuna, eta horrek lan-baldintzak eta enpresaren emaitzak hobetzen ditu. Azken urteetan lana eta familia bateratzeko neurriak nola garatu diren jakiteko, Fundación Alares fundazioak txosten bat prestatu du. Dokumentu hori prestatzean, enpresek Lana, Familia eta Bizitza Pertsonala Bateratzeari eta Erantzukizun Sozial Korporatiboari buruzko Alares Sari Nazionaletara aurkeztutako 1.200 hautagaitza baino gehiago hartu dira kontuan; sari horiek zortzigarren edizioa ospatu dute aurten.
Txosten horretatik hainbat ondorio atera dira, 2007-2013 urteetako lana eta familia bateratzearen/
Azterlanak erakusten du, halaber, zuzeneko harremana dagoela enpresako langileen benetako beharretara egokitutako bateratze-programa eraginkorrak ezartzearen eta absentismoa murriztearen artean; murrizketa hori ehuneko handi batean gertatzen da, zehazki %40an.
Gehien baloratzen diren neurriak ordutegiaren malgutasuna eta langilearentzako nahiz haren familiarentzako Laguntza Zerbitzuak dira.
Txostenetik lana eta familia bateratzeko gehien baloratzen diren neurriak atera dira: ordutegiaren malgutasuna dago lehen postuan, %31rekin; oso gertu, %26rekin, langilearentzako eta haren familiarentzako Laguntza Zerbitzuak eskuragarri izatea dago.
Bestalde, lanaldi trinkotzea, ordutegi malgua eta lanaldia murrizteko aukera, hurrenez hurren %96, %91 eta %74ko ehunekoekin, enpresek gehien erabiltzen dituzten lana eta familia bateratzeko neurriak dira.
Absentismoa murriztean gehien eragiten duten alderdiei dagokienez, Laguntza Zerbitzuen eskuragarritasuna nabarmentzen da, %32rekin; ondoren, ordutegiaren malgutasuna, %24rekin.
Beraz, familia- eta pertsona-zaintzara eta -laguntzara bideratutako zerbitzuek eragin handiena dute absentismoa murriztean eta langileen produktibitatea handitzean. Hori bat dator beste azterlan batzuen emaitzekin; izan ere, horiek erakusten dute absentismoaren %49 baino gehiago familia-arazoek eragiten dutela.
Gero eta enpresa gehiagok eskaintzen dizkiete laguntza-paketeak langileei eta haien familiei
Langileek lan egiten duten bitartean haien eta familien beharrak konpontzen dituzten Bateratze-programek gora egin dute, bai egoera berezietan, bai eguneroko egoeretan, eta horiek baliatzen dituzten langileek bereziki baloratu dituzte. Besteak beste, haurrentzako eta adinekoentzako etxez etxeko laguntza, etxez etxeko tratamendu espezializatuak, eskola partikularrak, telelaguntza, administrazio-kudeaketak, telefono bidezko laguntza profesionala eta etxez etxeko haurren zaintza nabarmentzen dira.
