Sariak bizi-kalitatea eta enpresa-lehiakortasuna hobetzeko egindako ahalegina egiaztatzen du
Madril, 2008ko abenduaren 1a-.
Alares Fundazioak, pertsonen bizi-kalitatea eta enpresa-lehiakortasuna hobetzeko ekimenak sustatzeaz arduratzen denak, Batzorde Nazionalaren azken Kongresuan saria jaso du; Kongresua Tarragonan egin zen, joan den azaroaren 19an.
Alares® Fundazioak abian jarritako ekimen guztiak aukera-berdintasuna eta diskriminaziorik eza, laneko, familiako eta norberaren bizitza bateragarri egitea, mendekotasunaren kudeaketa integrala, immigrazioaren integrazioa eta aniztasuna —aberastasun sozial eta enpresarialaren iturri gisa— sustatzera bideratuta daude, bai eta horrek guztiak enpresa- eta gizarte-lehiakortasunean duen eragin positibora ere.
Batzorde Nazionalak Sariak sortu zituen enpresek laneko, familiako eta norberaren bizitza bateragarri egitea helburu duten ekimen eta esperientzia praktikoak abian jartzeko egindako lana aitortzeko. Ez dugu ahaztu behar jarraibide horiek laneko produktibitatea eta pertsonen arteko berdintasuna ere kontuan hartu behar dituztela, eta, batez ere, denborari balio handiagoa eman behar diotela.
Alares Fundazioarekin batera, La Vanguardia egunkariak eta Iberdrolak ere jaso zuten saria.
Alares Fundazioari buruz
Lan eta Gizarte Gaietako Ministerioaren Laguntza Fundazioen Erregistroan inskribatuta,
Alares® Fundazioa
Alares® Taldeak egiten zituen hainbat jarduera bideratu eta jarraipena emateko sortu da; jarduera horiek herritarren gizarte-babesaren eta ongizatearen eskaerak modu solidarioan eta instituzionalizatuan orekatzeko zuen kezkari erantzuten zioten.
Alares® Fundazioaren helburua XXI. mendeko behar berrietarako proposamen eta irtenbideak ikertzea, ekartzea eta garatzea da. Horretarako, desgaitasuna duten pertsonen lan-sustapena eta -integrazioa, aukera-berdintasuna eta edozein diskriminazio desagerraraztea, mendekotasunari arreta ematea, familia- eta lan-bizitza bateragarri egitea, migrazio-fluxuak eta kulturaniztasuna integratzea, bai eta iraunkortasuna ere —bereziki gizarte-kohesioari eta lehiakortasun ekonomikoari dagokienez—, bizitza kolektiboaren erronka larrienak dira.
Horretarako, Fundazioak azterlanak, ikerketa-proiektuak, eztabaidak, hitzaldiak, mintegiak, sariak eta prestakuntza-ekintzak egingo ditu, herritarren eskaera berriak asetzen eta enplegurako aukera eta iturri berriak sortzen eta garatzen laguntzeko, horrela gizarte- eta enpresa-behar berriei erantzuna emateko. Era berean, Fundazioak aurreikusitako helburua lortzen laguntzen duten jarduera guztietarako bekak eta diru-laguntzak ematea sustatuko du.
Beraz, pertsonen bizi-baldintzak oro har hobetzea eta lehiakortasun ekonomikoa zein enpresa- eta erakunde-erantzukizuna sustatzea helburu duten ekimenak bultzatzea eta horietan laguntzea da haren xedea.
(*) Patronatua Javier Benavente Barrón jaunaren —Alares®-eko presidentea— lehendakaritzapean eta José Manuel Morán Criado jaunaren —idazkari nagusia— zuzendaritzapean eratu zen, eta politikaren, enpresaren eta unibertsitatearen munduko hainbat pertsona ospetsuk osatzen dute: Blanca Clavijo Juaneda andrea, Alzheimer AFALcontigo Elkarte Nazionaleko presidentea; Nuria Chinchilla andrea, IESE-NAFARROAKO UNIBERTSITATEko Lan eta Familia Nazioarteko Zentroko irakasle eta zuzendaria; María Ángeles Durán Heras andrea, Soziologiako katedraduna eta CSICeko (Ikerketa Zientifikoen Goi Kontseilua) irakaslea; Ignasi Farreres Bochaca jauna, Centre d’Estudis Economics i Socials-eko presidentea; Felipe Fernández-Atela jauna, DEUTSCHE TELEKOM España-ko presidentea; José Folgado Blanco jauna, (Tres Cantosko Udaleko alkatea); Ramón Jáuregui Atondo jauna, (Diputatuen Kongresuko Talde Parlamentario Sozialistako idazkari nagusia); José María Jordá Poyatos jauna, Espainiako Zuzendari eta Exekutiboen Konfederazioko (CEDE) eta Espainiako Zuzendarien Elkarteko (AED) idazkari nagusia; José Manuel Machado Alique jauna, Ford España-ko presidentea; Fernando Moreno Piñero jauna, CEOEko (Enpresa Erakundeen Espainiako Konfederazioa) Lan Harremanetako zuzendaria; Juan Antonio Sagardoy Bengoechea jauna, SAGARDOY ABOGADOSeko presidentea; eta Alicia Granados andrea, FORÉTICAko presidentea.
Informazio gehiago:
Natalia Fuentes
Alares®-eko Marketin eta Komunikazio zuzendaria
91 275 05 55 E-maila:
nfuentes@alares.es
María Vaz
Alares®-eko Komunikazio Saila
E-maila:
mvaz@alares.es
