Fundación Mapfreren lankidetzari esker, 2014ko desgaitasuna duten pertsonen enplegurako prestakuntza-proiektuei laguntzak emateko deialdiaren bidez, desgaitasun psikikoa eta intelektuala duten 67 pertsonari zuzendutako Gizarte-trebetasunak Indartzeko eta Hobetzeko Programa bat gauzatu ahal izan da. Programa 2014ko azaroan hasi eta urte honetako apirilean amaitu da. Fundación Alares fundazioak ohikotasunez egiten duen programa honen helburua desgaitasuna duten pertsonen gizarte-trebetasunak indartzea da, enplegurako eta/edo enpleguari eusteko aukerak handitzeko.
Fundación Mapfreren lankidetzarekin, 4 tailer eman dira, bakoitza 10 ordukoa, 5 orduko bi saiotan banatuta. Madrilen egin dira, Fundación Alares fundazioak lan egiten duen hainbat erakunderekin elkarlanean: Userako CRL, La Latinako CRL, "Los Álamos" Hezkuntza Bereziko Ikastetxea eta Henared. Parte-hartzaileek material egokituekin lan egin dute, eta dinamika errazen bidez gizarte-trebetasunak eskuratu eta indartu ahal izan dituzte, modu erraz eta eraginkorrean (role-playing-a, dramatizazioak eta talde-lana). Tailerrak amaitzean, parte-hartzaileen %90ek honako hauek lortu dituzte: beren burua behar bezala aurkezten ikastea, egoera emozionala identifikatzea, beste pertsonei entzutea, elkarrizketa bat hastea eta hari eustea, ulermen-gaitasuna hobetzea, komunikazio-estiloak bereiztea (pasiboa, oldarkorra eta asertiboa), solaskidearen haserrearen aurrean erreakzionatzea eta egoera behar bezala kudeatzea, kexa bat formulatzea eta hari erantzuten jakitea; lan-elkarrizketa arrakastaz egitea, lan-inguruneko estresari aurre egitea eta erlaxazio-teknikak ikastea. Beraz, esan dezakegu tailer hauek egitea erabateko arrakasta izan dela.
