Co servizo de Cociñeiro a Domicilio, Vivofácil pon á túa disposición un profesional que se encargará de preparar pratos e guisos correspondentes á cociña tradicional mediterránea en calquera lugar de España: lentellas, paella, cocido, tortilla de patacas, pasta, peixes ou carnes...
Os nosos cociñeiros teñen os coñecementos necesarios para a elaboración de todo tipo de pratos básicos da nosa cociña tradicional. A que esperas para comezar a gozar do teu prato favorito?

Recomendámosche que, antes de contratar o servizo, consultes cos nosos especialistas de atención ao cliente se os pratos desexados están entre os incluídos nel, a través do correo electrónico tienda@vivofacil.com ou do teléfono 900 877 977. Ofrecemos un servizo 100 % personalizado.

Non están incluídas as ferramentas para a elaboración dos pratos (potas, tixolas, coitelos, electrodomésticos, etc…) nin os ingredientes necesarios, que deberás achegar no momento da prestación do servizo. 

Ademais, deberás indicarnos se algún dos teus convidados ou ti mesmo tedes algún tipo de alerxia, para telo todo en conta.

Cada servizo ten unha duración de 3 horas. Se queres máis, non dubides en contratar o número de servizos que consideres necesario; recomendámosche que, se se trata dunha cea para varias persoas ou de varios pratos, elixas sempre un mínimo de 2 servizos.

Nos casos en que o cociñeiro teña que desprazarse para adquirir algún ingrediente que falte, non haberá problema, pero debes ter en conta que o tempo empregado en realizar esa compra computará dentro do tempo dispoñible no servizo (máximo 3 horas) e o seu custo correrá pola túa conta. Co fin de non deixar ningún servizo sen finalizar, se o cociñeiro detecta que non dará tempo a rematar os pratos solicitados, informaraseche para contratar un novo servizo e poder deixar así preparados todos os encargos. No caso de que non queiras realizar unha nova contratación, o cociñeiro indicarache en que punto se atopan os pratos para que poidas finalizalos, sen poderes reclamar ao cociñeiro nin a Vivofácil por non rematar os pratos. 

O horario de prestación do servizo é de luns a domingo, de 9:00 a 22:00.

Os servizos prestaranse en calquera parte da xeografía española nun prazo de inicio do servizo, desde a primeira hora laborable posterior á solicitude do servizo, de 24 a 72 horas. (En función da urxencia, da posibilidade de programar as necesidades e da existencia de profesionais adecuados para o servizo na contorna da poboación do cliente). No caso de poboacións pequenas, o prazo para o inicio da prestación do servizo podería prolongarse ata un máximo de 5 días laborables, en función da dispoñibilidade na zona.

Calquera solicitude recibida a partir das 15:00 horas dos venres será tramitada a partir das 09:00 horas do luns seguinte.

Os desprazamentos ao domicilio serán sempre GRATIS, pero naquelas zonas de difícil acceso ás que só se poida chegar en vehículo particular ou en zonas despoboadas ou sen persoal susceptible de ser contratado, pode haber variacións no prezo.  Suxerímosche que antes de contratar o servizo nos chames ao teléfono 900 877 977 para atopar a mellor solución.